أهلا بيكم فى جروب ♥ ♥ الفـــــــــلحوس ♥ ♥ .منورين
فى البداية هعرفكم يعنى ايه فلحوس .. لعل وعسى يكون فى حد ميعرفش يعنى ايه الكلمة دى .. وأنا طبعاااااااا عارفة معناها :).
الفلحوس :- هو الشخص اللى بيحب يتفلحس كتير لأنه عارف كل حاجه .. دايما لازم يفتى فى اللى يعرفه واللى ميعرفوش ..
مين فينا مبيتعرضش للعينه دى من الناس يوميا ويمكن تكون انت نفسك واحد منهم .. عااااااادى جدا .. اوعى تضايق بالعكس افتخر بنفسك لأنك بتعرف تتكلم فى كل حاجه .. حتى لو انت نكره وصفر ع الشمال .. بس المهم متظهرش انك حمار ومتعرفش حاجه قدام الناس ..
طبعا أحيانا الفلحوس بيكتفى بمعرفة القشور يعنى معرفة معنى الكلمة ع الأقل بحيث انه واحد يسأله فى معناها يقدر يرد بمعناها ويكمل هو من عنده :d
وأحيانا ميعرفش حتى هو معنى الكلمة وبيتكفل هو بكل شىء
المهم مغزى الجروب اننا هنتفلحس على بعض ..
وبما انى لسه متخرجة من كلية تربية بعد خمس سنين .. هى أربعه بس أنا أخدتها فى خمسه .. عادى يعنى عشان أعرف اتفلحس براحتى .. وكمان بعد ما اتخرجت بعمل دبلومه لذوى الاحتياجات الخاصة فى تربية برضه .. وخلصت ال icdl ممتحنتش شرح بس وبروح الجامعة الامريكية باخد كورسات هناك .. يعنى بصو بأه أقدر أتفلحس عليكو براااااااحتى :d
ياريت اللى عاجبه فكرة الجروب يعمل انفايت لأصدقاؤه .. واللى مش عاجبه فكرة الجروب برضه يعمل انفايت .. عادى يعنى لو مش هتتفلحس على اصحابك هتتفلحس على مين !
